19.05.2026 | 16:04
Սամվել Կարապետյանի անձնագրային գործում որպես աշխատանքի վայր նշված է եղել ФСБ-ի տեղեկատվական կենտրոնը․ The Insider
Պուտինը հայտարարել է, որ ՀԱՊԿ տարածքում իրավիճակը կայուն չէ և ռիսկեր է պարունակում անդամ երկրների անվտանգության համար
Քաղաքականություն
16.09.2021 | 13:07
ՌԴ նախագահ Վլադիմիր Պուտինը հայտարարել է, որ ՀԱՊԿ պատասխանատվության գոտում իրավիճակը ոչ միայն կայուն չէ, այլև ռիսկեր է պարունակում տարածաշրջանի երկրների համար։
«Ինչպես արդեն նշվել է, իրավիճակը ՀԱՊԿ պատասխանատվության գոտում և անդամ պետությունների արտաքին սահմաններին ոչ միայն կայուն չէ, այլև պարունակում է նոր, իրական սուր մարտահրավերներ ու ռիսկեր մեր երկրների անվտանգության համար»,- ասել է Պուտինը ՀԱՊԿ գագաթնաժողովի ժամանակ, որին մասնակցում է տեսակոնֆերանսի ձևաչափով, քանի որ գտնվում է ինքնամեկուսացման մեջ։
Ռիա Նովոստիի հաղորդմամբ՝ ՌԴ նախագահը նաև խոսել է Աֆղանստանում տիրող իրավիճակի պատճառով ՀԱՊԿ անդամ երկրների ջանքերի համակարգման ու համախմբվածության անհրաժեշտության։
Պուտինը նշել է, որ Աֆղանստանից ԱՄՆ-ի ու նրա դաշնակիցների զորքերի դուրսբերումից ու իշխանության թալիբների գալուց հետո, ՀԱՊԿ արտահերթ գագաթնաժողովին առաջնորդները մտքեր են փոխանակել վտանգների մասին, որոնք կապված են այդ երկրում իրավիճակի արմատական փոփոխության հետ։
Էմմա Չոբանյան
