09.06.2026 | 11:02
Վահագն Ալեքսանյանի ճեպազրույցը՝ ՈՒՂԻՂ
Հարավային Կովկասի ԵՄ ներկայացուցիչն ու Ադրբեջանի ԱԳ նախարարը քննարկել են տարածաշրջանում անվտանգային իրավիճակը
Քաղաքականություն
16.09.2021 | 13:16
Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարն Ադրբեջանում հանդիպել է այդ երկրի ԱԳ նախարար Ջեյհուն Բայրամովին։
Ինչպես հաղորդում է Ադրբեջանի ԱԳՆ-ն, հանդիպման ընթացքում կողմերը կարծիքներ են փոխանակել տարածաշրջանում անվտանգության ոլորտում ընթացիկ իրավիճակի, այդ թվում՝ սահմանի սահմանազատման ու սահմանագծման գործընթացի, հաղորդակցությունների բացման, ենթակառուցվածքային ծրագրերի ու այլ հարցերի շուրջ։
Բայրամովը տեղեկացրել է եռակողմ հայտարարության իրագործման ընթացքի մասին։ Կլաարն էլ իր հերթին հիշեցրել է, որ ԵՄ-ն հանդես է գալիս տարածաշրջանում խաղաղության, զարգացման ու բարգավաճման դիրքերից ու նշել համապատասխան աջակցություն ցուցաբերելու պատրաստակամության մասին։ Կողմերը նաև քննարկել են երկկողմ համագործակցության հարցեր։
Նշենք, որ ավելի վաղ ԵՄ պաշտոնյան երկրօրյա այցով Հայաստանում էր, որի շրջանակներում հանդիպումներ էր ունեցել վարչապետ Նիկոլ Փաշինյանի ու ԱԳ նախարար Արարատ Միրզոյանի հետ։ Կլաարը այցելել էր նաև հայ-ադրբեջանական սահմանի Երասխի հատված։
Էմմա Չոբանյան
