18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Չի՛ կարելի 60-70 հազար ստացող աշխատակիցներին պարտադրել՝ 30 հազարը ծախսել ՊՇՌ թեստ անցնելով․ գործատու. ՏԵՍԱՆՅՈՒԹ
16.09.2021 | 12:46
«Գործարարների մի ստվար զանգվածի անունից անհամաձայնության եմ հայտնում առողջապահության նախարարության դիրքորոշմանը: Չի կարելի արդարացնել առողջապահական որևէ գործողություն՝ իրավական սխալ որոշումներ կայացնելով»,- այս մասին «Աշխատանք կամ պատվաստում․ ո՞ր տարբերակը կընտրեն քաղաքացիները» թեմայով քննարկմանը նշեց Ռեստորանների ասոցիացիայի նախագահ Աշոտ Բարսեղյանը:
Նրա խոսքով՝ ոչ մի գործատու համաձայն չէ այդ հրամանի հետ։ Ա. Բարսեղյանը հավելեց, որ Աշխատանքային օրենսգրքի 133-րդ հոդվածով գործատուն իրավունք չունի թեստի կամ պատվաստման բացակայության դեպքում աշխատանքից ազատել աշխատակցին։ «Չի՛ կարելի 60-70 հազար ստացող աշխատակիցներին պարտադրել՝ 30 հազարը ծախսել ՊՇՌ թեստ անցնելով»,- ասաց գործարարը:
«Արդյունավետ աշխատանք կատարելու փոխարեն առողջապահության նախարարությունը արդեն որերորդ տարին է հանդես է գալիս անտրամաբանական, ոչ հիմնավորված քայլերով»,- նշեց Բարսեղյանը:
Գործարարի գնահատմամբ՝ առողջապահության նախարարությունն անցած տարի վատ է կատարել իր տնային աշխատանքը, դիմակայել այս վարակին, միլիարդավոր դրամներ է ծախսել՝ պարզապես կոնտակտավորներին կացարան ապահովելու համար:
Մանրամասները՝ տեսանյութում:
