14.01.2025 | 15:46
ՀՀ-ի և Ադրբեջանի միջև չհամաձայնեցված երկու հարցերը դժվար է շրջանցել․ կա՛մ այո, կա՛մ ոչ․ Լավրով․ ՏԵՍԱՆՅՈՒԹ
Հոկտեմբերի 1-ից պատվաստման պահանջը նաև վերաբերում է պետական պաշտոնյաներին․ Ավանեսյան. ՏԵՍԱՆՅՈՒԹ
16.09.2021 | 11:54
«Պետական ապարատի աշխատակիցները, առաջին հերթին՝ քաղաքական պաշտոն զբաղեցնողները, առանց սպասելու հոկտեմբերի 1-ին, ակտիվ պատվաստվում են, և այս պահին էլ մենք պետական ապարատում ունենք պատվաստման 70 տոկոսից բարձր ցուցանիշ»,- կառավարության նիստին այս մասին հայտարարեց ՀՀ առողջապահության Անահիտ Ավանեսյանը՝ մեկնաբանելով հոկտեմբերի 1-ից ուժի մեջ մտնող իր հրամանը, ըստ որի՝ չպատվաստված հանրային աշխատողները պիտի ամիսը 2 անգամ պարտադիր թեստ հանձնեն:
«Ես վստահ եմ, եթե ամփոփենք սեպտեմբերը, մինչև հոկտեմբերի 1-ը այս ցուցանիշը 80 տոկոսից ավելի է: Պետական ապարատը առանց հարկադրանքի սպասելու, իր պատասխանատվության մասնաբաժին իրականացրել է: Բայց ասեմ՝ անկախ այդ փաստից, հոկտեմբերի 1-ից ուժի մեջ մտնող կանոնակարգումը հավասարապես ազդելու է նաև պետական պաշտոններ զբաղեցնող անձանց վրա: Եթե չպատվաստված անձ կա, պարտավոր է 14 օրը մեկ ներկայացնել ՊՇՌ թեստի արդյունքները»,- ասաց Ավանեսյանը՝ հավելելով, որ իրենց մտահոգությունը առողջապահական ուղղություն ունի:
«Մեր քաղաքականությունն ուղղված է քաղաքացիների կյանքը և առողջությունը պահպանելուն, ընդհանուր հանրային առողջապահական անվտանգության խնդիրը պահպանելուն: Եվ հաջորդը՝ տնտեսական անվտանգության, նորմալ գործունեության շարունակականությունն է, որն անհնար է դառնում, երբ կորոնավիրուսը դուրս է գալիս կառավարելիության շրջանակներից»,- նշեց Ավանեսյանը:
Մանրամասները՝ տեսանյութում:
