09.06.2026 | 14:58
ՌԴ-ն զանգվածային հարված է հասցրել Խարկովին և Չուգուևին․ զոհվել է 3, վիրավորվել՝ 18 մարդ
ԱՀԿ-ում կասեցվել է Sputnik V կորոնավիրուսի դեմ պատվաստանյութի հաստատման գործընթացը
Քաղաքականություն
16.09.2021 | 11:31
Առողջապահության համաշխարհային կազմակերպությունում (ԱՀԿ) կասեցվել է ռուսական Sputnik V կորոնավիրուսի դեմ պատվաստանյութի հաստատման գործընթացը ՝ մինչև արտադրող գործարանում նոր ստուգումների անցկացումը, հայտնում է «Կոմերսանտ» թերթը:
Պանամերիկյան առողջապահական կազմակերպության (PAHO) ղեկավարի տեղակալ դոկտոր Ժարբաս Բարբոսան լրագրողներին հայտնել է, որ գործընթացը կասեցվել է մինչև մասնագետների կողմից անհրաժեշտ փոփոխությունների իրականացումն ու նոր ստուգումներ պահանջելը:
«Պատվաստանյութ արտադրողները պետք է հաստատեն, որ պատվաստանյութերի արտադրման վայրերը համապատասխանում են արտադրական պրակտիկայի պահանջվող չափանիշներին: Ինչ վերաբերում է Sputnik V-ի պատվաստանյութի հրատապ հաստատմանը, ապա գործընթացը կասեցվել է, քանի որ Sputnik V- ի արտադրության մաս կազմող գործարաններից մեկի զննությամբ պարզվել է, որ այն չի համապատասխանում արտադրական պահանջվող չափանիշներին», – ասել է Բարբոսան PAHO- ի հետ տեսակոնֆերանսի ժամանակ:
Հիշեցնենք, որ հուլիս ամսին հաղորվում էր, որ ակնկալվում է, որ ԱՀԿ-ն կհաստատի «Sputnik V» պատվաստանյութի կիրառումը աշնանը։
Տաթև Ֆռանգյան
