18.12.2025 | 09:45
«Նուբարաշեն» ՔԿՀ-ին նոր շենք հատկացնելու խնդիրը պետք է լուծել շուտափույթ եղանակով․ ՄԻՊ․ ԼՈՒՍԱՆԿԱՐՆԵՐ
Դուշանբեում մեկնարկել է ՀԱՊԿ անդամ երկրների ղեկավարների հանդիպումը
Քաղաքականություն
16.09.2021 | 10:46
Դուշանբեում մեկնարկել է Հավաքական անվտանգության պայմանագրի կազմակերպության անդամ երկրների ղեկավարների հանդիպումը, հաղորդում է «ՌԻԱ Նովոստի» -ի թղթակիցը:
ՀԱՊԿ -ում Տաջիկստանի նախագահությունը համընկավ արտակարգ մարտահրավերների և սպառնալիքների ժամանակաշրջանի հետ: Այս մասին հայտարարել է հանրապետության նախագահ Էմոմալի Ռահմոնը՝ բացելով միջոցառումը։
Այդուհանդերձ, նա հավելել է, որ հնարավոր է եղել ապահովել արտաքին քաղաքական դիրքորոշումների փոխազդեցության և համակարգման բարձր մակարդակ:
«Մենք կշարունակենք հայտարարություններ ընդունել ընթացիկ միջազգային և տարածաշրջանային օրակարգի արդիական հարցերի վերաբերյալ», – ընդգծել է պետության ղեկավարը:
Հավելենք, որ ՀՀ վարչապետ Նիկոլ Փաշինյանը ևս մասնակցում է ՀԱՊԿ գագաթնաժողովին։
Տաթև Ֆռանգյան
