18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Հիմա ՀՀ-ն առաջնորդվում է Խորհրդային միությա՞ն սահմաններով. Վարդևանյանը՝ Փաշինյանին․ ՏԵՍԱՆՅՈւԹ
Քաղաքականություն
15.09.2021 | 19:42
«Հայաստան» խմբակցության պատգամավոր Արամ Վարդևանյանը ԱԺ-կառավարություն հարց ու պատասխանի ժամանակ, դիմելով վարչապետ Նիկոլ Փաշինյանին, հարցրեց. «Հիմա ՀՀ-ն առաջնորդվում է Խորհրդային Միության սահմաններո՞վ, թե՞ ոչ»։
Նա մեջբերեց պատգամավոր Արթուր Խաչատրյանի հայտարարությունը, որ Ադրբեջանն իր սահմանադրական ակտով իր սեփական սահմանները չի ճանաչել, ինչո՞ւ է Հայաստանը ճանաչում։
Վարչապետ Նիկոլ Փաշինյանն ի պատասխան նշեց. «Իրավական առումով մենք պետք է պատասխանենք մի հարցի՝ Հայաստանի Հանրապետությունն ինչպե՞ս է ձևավորվել։ ՀՀ-ն ձևավորվել է այն բանի արդյունքում, որ Հայկական Սովետական Սոցիալիստական Հանրապետությունը հռչակել է անկախություն, փոխել է իր անունը և դարձել է Հայաստանի Հանրապետություն։
Մենք շատ հաճախ չենք նկատում, թե մեր ձևակերպումներում ինչ սպառնալիքներ ենք ստեղծում մեր երկրի համար։ Այո՛, ես ասում եմ՝ ՀՀ-ն ձևավորվել է Հայկական Սովետական Սոցիալիստական Հանրապետության հիման վրա։ Եվ չի կարող ՀՀ-ն չունենալ սահմաններ, չի կարող լինել այդպիսի բան։
ՀՀ անկախության հռչակումից հետո այդ թվում ԱՊՀ-ում ընդունվել են փաստաթղթեր, որոնք նույնպես պետք է վերլուծել»։
Փաշինյանը միաժամանակ շեշտեց, որ սա պարզ հարց չէ, ունի շերտեր, որոնք պետք է վերլուծվեն ու ուսումնասիրվեն։
Մանրամասները՝ տեսանյութում:
