14.09.2026 | 15:03
Իրանը կանչել է Ավստրիայի դեսպանին՝ Վիեննայում կայանալիք միջուկային համաժողովին իր պաշտոնյայի մասնակցությունը խոչընդոտելու համար
Ադրբեջանը նախատեսում է ընդլայնել գազային գործարքները Ռուսաստանի հետ
Քաղաքականություն
15.09.2021 | 16:20
Ադրբեջանը նախատեսում է ընդլայնել գազային գործարքները Ռուսաստանի հետ։ Այս մասին հայտնել է SOCAR- ի (Ադրբեջանի պետական նավթային ընկերություն) մարքեթինգի և ներդրումների գծով փոխնախագահ Վիտալի Բեգլյարբեկովը, գրում են ադրբեջանական ԶԼՄ-ները:
«Ադրբեջանը գազ չի ներմուծում Ռուսաստանից, բայց մենք մասնակցում ենք հարևան երկրների հետ գազի փոխանակման և վճարումային գործողություններին, այդ թվում «Գազպրոմի» հետ», – ասել է Բեգլյարբեկովը:
Այս համատեքստում, ըստ ադրբեջանական պետական նավթային ընկերության փոխնախագահի հայտարարության, ադրբեջանական կողմը մտադիր է շարունակել աշխատել և ընդլայնել գազային գործարքները հարևան բոլոր երկրների հետ, որոնք ունեն գազի արդյունահանում, այդ թվում նաև Ռուսաստանի։
Հավելենք, որ ավելի վաղ հաղորդվել էր, որ Ադրբեջանն ու Ռուսաստանը 2021 թվականի հուլիսին պայմանավորվել են բնական գազի սեզոնային փոխանակման շուրջ։
Տաթև Ֆռանգյան
