18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Պետք է երկար մտածել՝ սպարապետին և այլ անձանց գնահատական տալուց առաջ. Սեյրան Օհանյան. ՏԵՍԱՆՅՈՒԹ
Քաղաքականություն
15.09.2021 | 14:30
«Հայաստան» խմբակցության ղեկավար, պաշտպանության նախկին նախարար Սեյրան Օհանյանն ԱԺ-ում լրագրողների հետ զրույցում անդրադարձավ վերջին շրջանում սպարապետ Վազգեն Սարգսյանի հասցեին հնչող քննադատություններին:
«Վազգեն Սարգսյանը և մյուս զորահրամանատարները, հատկապես սպարապետը, ունեն անցած ճանապարհ, նրանք արցախյան շարժման հենց սկզբից կարողացել են համախմբել ժողովրդին և կարողացել են իրենց ընկերների հետ, ինչպիսին, օրինակ, ՀՀ նախագահներն են, նաև մեր դաշինքի ղեկավար Ռոբերտ Քոչարյանը, կարողացել են հաղթանակ տանել արցախյան առաջին ազատամարտում: Նրանց գործունեության արդյունքը Հայաստան – Արցախ ընդհանուր անվտանգային և տնտեսական համակարգի ձևավորումն էր: ՀՀ-ն մեկ անվտանգային գործոն է Արցախի հետ, մեկ այլ՝ շատ թույլ անվտանգային գործոն է առանց Արցախի՝ ինչպիսին որ տեսնում եք այսօր:
Ոչ միայն սպարապետի, այլ նաև այլ անձանց գործունեությանը գնահատականներ տալուց առաջ պետք է երկար մտածել, հավասարակշիռ խոսք ձևավորել, և դրանից հետո միայն քննադատել այդ մարդկանց, որոնք որ ունեն գործի արդյունք»,- նշեց Օհանյանը:
Մանրամասները՝ տեսանյութում:
