18.01.2026 | 19:11
Խուսափեք երրորդ կողմերի միջամտությունից և հավելյալ վճարներից․ ՀՀ-ում ԱՄՆ դեսպանատնից զգուշացնում են
2020-ի նոյեմբերի 9-ի գիշերը տեղի ունեցած անկարգությունների մասով ևս մեկ մեղադրյալի գործ դատարանում
Հասարակություն
15.09.2021 | 13:35
Երևան քաղաքի ընդհանուր իրավասության դատարանի Ավանի նստավայր է ստացվել նոյեմբերի 9-ի լույս 10-ի գիշերը Երևանում տեղի ունեցած բողոքի ցույցերի և դրան հաջորդած իրադարձությունների մասով 54 մեղադրյալներից Արմեն Քոչարյանի գործը։ Ըստ մեղադրանքի՝ նա մասնակցել է ջարդերով, գույք ոչնչացնելով և վնասելով զուգորդված զանգվածային անկարգությունների: Գործը մակագրվել է դատավոր Վարդան Գրիգորյանին։
Արմեն Քոչարյանին մեղադրանք է առաջադրել Քրեական օրենսգրքի 225-րդ հոդվածի 2-րդ մասով՝ զանգվածային անկարգություններ, որոնց ժամանակ դրանց մասնակցի կողմից բռնություն է գործադրվել, ջարդ կամ հրկիզում իրականացվել, գույք ոչնչացվել կամ վնասելը, հրազեն, պայթուցիկ նյութեր կամ պայթուցիկ սարքեր գործադրվել կամ իշխանության ներկայացուցչին զինված դիմադրել։
Հիշեցնենք՝ ըստ Դատախազության հաղորդագրության՝ 2020թ. նոյեմբերի 9-ին Հայաստանի, Ռուսաստանի և Ադրբեջանի ղեկավարների միջև ստորագրված Արցախյան երկրորդ պատերազմի հրադադար հաստատելու մասին հայտարարության հրապարակումից հետո ՀՀ ԱԺ, Կառավարության շենքերում և պետական նշանակության այլ օբյեկտներում ու հասարակական վայրերում կազմակերպվել և իրականացվել են բռնություն գործադրելով, ջարդ իրականացնելով, գույք ոչնչացնելով, վնասելով կամ իշխանության ներկայացուցչին զինված դիմադրելով արտահայտված զանգվածային անկարգություններ: Դրանց ժամանակ մասնակիցների կողմից հնչել են ինչպես իշխանության ներկայացուցիչների օրինական պահանջներին ակտիվորեն չենթարկվելու կամ անձանց նկատմամբ բռնություն կիրառելու, այնպես էլ իշխանությունը զավթելուն, սահմանադրական կարգը բռնի տապալելուն ուղղված հրապարակային կոչեր:
Միջադեպի առթիվ 54 անձ ներգրավվել է որպես մեղադրյալ, որոնցից 44-ի նկատմամբ կալանքը որպես խափանման միջոց կիրառելու մասին միջնորդություններ են ներկայացվել դատարան: Դրանցից 21-ը բավարարվել է, այդ թվում 3-ը՝ հետախուզվող մեղադրյալների նկատմամբ, 22-ը՝ մերժվել, 1-ը հետ է վերցվել դատախազի կողմից:
Ռոզա Վարդանյան
