07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Ժիրայր Սեֆիլյանը դատապարտվեց 10.5 տարվա ազատազրկման. ՏԵՍԱՆՅՈՒԹ
Հասարակություն
20.03.2018 | 11:11
Շենգավիթ վարչական շրջանի ընդհանուր իրավասության դատարանում այսօր հրապարակվեցին «Հիմնադիր խորհրդարանի» առաջնորդ Ժիրայր Սեֆիլյանի և մյուսների դատավճիռները։
Դատավոր Տաթևիկ Գրիգորյանը հայտարարեց՝ Ժիրայր Սեֆիլյանը դատապարտվում է 10.5 տարի ազատազրկման, Գևորգ Սաֆարյանը, ով մեղադրվում է զանգվածային անկարգություններ նախապատրաստելու մեջ, դատապարտվեց 5 տարի 5 ամիս ժամկետով, Սասունիկ Կիրակոսյանը՝ 3 տարի,Ներսես Պողոսյանը՝ 3 տարի 6 ամիս, իսկ Հրայր Թոփչյանն ու Գալուստ Գրիգորյանը դատապարտվեցին 3 տարվա ազատազրկման:
Ամենամեղմ պատիժը սահմանվեց Հովհաննես Պետրոսյանի համար՝ 2 տարվա ազատազրկում։ Նշենք, որ հենց նրա ցուցմունքն է այս գործի մեղադրանքի հիմքում։
Հավելենք, որ Շուշիի առանձնակի գումարտակի հրամանատար Ժիրայր Սեֆիլյանին դատավարության ավարտին դատավոր Տաթևիկ Գրիգորյանն այդպես էլ թույլ չտվեց նստած արտասանել ո՛չ իր պաշտպանական ճառը, ո՛չ էլ վերջին խոսքը, և նրա փոխարեն դա արեց փաստաբանը։
Այսպիսով՝ շուրջ մեկ տարի տևած դատավարությունն ավարտվեց։
