11.06.2026 | 22:59
ԿԸՀ-ն անվավեր ճանաչեց 10/51 ընտրատեղամասի արդյունքները. ՔՊ-ն այնտեղ 630 քվե էր ստացել, «Ուժեղ Հայաստանը»` 222
ՀԱՊԿ անդամ երկրները միակարծիք են և օգնություն կտրամադրեն Տաջիկստանին՝ Աֆղանստանի հետ սահմանին իրավիճակի սրման դեպքում․ Զաս
Քաղաքականություն
15.09.2021 | 14:42
Հավաքական անվտանգության պայմանագրի կազմակերպության (ՀԱՊԿ) անդամ երկրները միակարծիք են և օգնություն կտրամադրեն Տաջիկստանին՝ Աֆղանստանի հետ սահմանին իրավիճակի սրման դեպքում: Այդ մասին լրագրողներին հայտնել է ՀԱՊԿ գլխավոր քարտուղար Ստանիսլավ Զասը՝ պաշտպանության նախարարների խորհրդի, Արտաքին գործերի նախարարների խորհրդի և ՀԱՊԿ Անվտանգության խորհրդի քարտուղարների կոմիտեի համատեղ նիստից հետո, գրում է EADaily-ն:
Նա ընդգծել է, որ Աֆղանստանում ստեղծված իրավիճակը մտահոգում է ՀԱՊԿ-ին: «ՀԱՊԿ անդամ բոլոր երկրները միակարծիք են և վերահաստատել են իրենց ընդհանուր դիրքորոշումը: ՀԱՊԿ-ը հարավային սահմաններին իրավիճակի սրման դեպքում Տաջիկստանին կտրամադրվի անհրաժեշտ բոլոր՝ ռազմական և դիվանագիտական օգնություն», – ասել է Զասը:
ՀԱՊԿ -ը նաև կոչ է արել համաշխարհային հանրությանը` ընդլայնել մարդասիրական օգնությունը Աֆղանստանի բնակչությանը:
«ՀԱՊԿ երկրների համատեղ հայտարարության մեջ կոչ է արվում համաշխարհային հանրությանը ընդլայնել հումանիտար օգնությունը Աֆղանստանի բնակչությանը, որի կարիքն այն շատ ունի», – ասել է Զասը:
Տաթև Ֆռանգյան
