Հասարակություն
15.09.2021 | 11:21Վերաքննիչ քրեական դատարանում շարունակվում են սահմանադրական կարգի ենթադրյալ տապալման գործի կարճման վերաբերյալ պաշտպանների և դատախազների բողոքների գործով լսումները։
Հիշեցնենք, որ Քրեական օրենսգքրի 300.1 հոդվածը ճանաչվել էր հակասահմանադրական, և այդ հիմքով ՀՀ երկրորդ նախագահ Ռոբերտ Քոչարյանի, ՀՀ նախկին փոխվարչապետ Արմեն Գևորգյանի, ՀՀ պաշտպանության նախկին նախարար Սեյրան Օհանյանի, ԶՈՒ ԳՇ նախկին պետ Յուրի Խաչատուրովի նկատմամբ քրեական հետապնդումը դադարեցվեց։
Իր ելույթում փաստաբան Սաֆարյանը հայտարարեց, որ առաջին ատյանի դատարանի որոշումն անհիմն է: «Իր գնահատմամբ, քրեական հետապնդումը դադարեցնելու՝ դատարանի հիմնավորումը ապացուցում է, որ դատարանն էլ է գիտակցել, որ տվյալ նորմի սահմանադրականության խնդիրը դեռ չի նշանակում, որ հանցակազմը բացակայում է, ուստի դատարանն ընտրել է հանցագործության դեպքի հիմքով քրեական հետապնդումը դադարեցնելու հիմքը:
Սեդա Սաֆարյանի գնահատմամբ, տուժող կողմի համար ծանր հետևանքներ է առաջացրել՝ երկու անգամ՝ 2008-ին և այժմ զրկելով տուժող կողմին իրենց իրավունքի պաշտպանություն իրականացնելուց:
«Ինչո՞ւ է 2009թ. հուլիսին քրգործ հարուցվել, եթե առաջին իսկ պահից հայտնի էր, որ «Չերեմուխա»-ն զորքերն են կիրառել: Մեկ տարի հետո էլ «Չերեմուխա» կիրառած անձանց նկատմամբ փաստի առթիվ է հարուցվել քրեական գործ…»,- ներկայացնելով որոշ փաստերի՝ նշեց Սաֆարյանը:
Փաստաբանն ընդգծեց, որ 12 տարի մեղադրյալներ են ներգրավվել գործով, որոնք մինչև այսօր պատասխանատվության չեն ենթարկվել:
Մանրամասները՝ տեսանյութում:
