16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Կենսագրությունս փոխմարզպետի պաշտոնով չի սկսվում. 2016-ի ՏԻՄ ընտրությանը հաղթել եմ ՀՀԿ-ին. Նարեկ Գրիգորյան. ՏԵՍԱՆՅՈՒԹ
Քաղաքականություն
13.09.2021 | 18:22
Արդյո՞ք պատշաճ է, երբ պատգամավորը փորձում է հարցերը լուծել ոչ թե քննարկմամբ, այլ բռունցքներով. Factor.am-ի հետ զրույցում անդրադառնալով այս հարցին՝ «Քաղաքացիական պայմանագիր» խմբակցության պատգամավոր Նարեկ Գրիգորյանը, ով Ազգային ժողովում օրեր առաջ տեղի ունեցած միջադեպերում՝ ծեծկռտուքներում ակտիվորեն ներգրավված էր, նշեց, որ ընդդիմությունը մինչ խորհրդարան անցնելը ամեն ինչ անում էր, որ ժողովրդի մոտ տպավորություն թողնի, թե իբրև իշխանությունները վախկոտներ են և որ իրենք ինչ ուզում, անում են, և հիմա այդ բարքերն ուզում են բերել ԱԺ:
«Իմ ու իմ քաղաքական ուժի նկատմամբ սադրանքները ստանալու են համապատասխան պատասխան. բռունքներով պատասխանում են բռունցքներին, եթե մեզ փորձեն հարվածել, ստանալու են հարվածներ, և ամեն խոսք ստանալու է համարժեք պատասխան»,- նշեց պատգամավորը՝ վստահեցնելով, որ ընդդիմության հետ ամեն ինչ հարթված է, բովանդակային քննարկում է ծավալվում ԱԺ-ում:
Անդրադառնալով իր հասցեին հնչող քննադատություններին՝ Նարեկ Գրիգորյանը նշեց. «Կենսագրությունս փոխմարզպետի պաշտոնով չի սկսվում. «Ես 2016-ի ՏԻՄ ընտրությանը ՀՀԿ-ի նկատմամբ ջախջախիչ հաղթանակ եմ տարել»:
Մանրամասները՝ տեսանյութում:
