18.01.2026 | 11:31
Վթարային ջրանջատում Վայոց Ձորի մարզում
Կոռուպցիայի կանխարգելման հանձնաժողովի անդամ է առաջադրվել Մարիամ Գալստյանը. ՏԵՍԱՆՅՈՒԹ
Քաղաքականություն
13.09.2021 | 17:50
ՀՀ ազգային ժողովը Կոռուպցիայի կանխարգելման հանձնաժողովի անդամի թափուր պաշտոնում քննարկում է Մարիամ Գալստյանի թեկնածությունը: Գալստյանի թեկնածությունն առաջարկվել է մրցութային խորհրդի որոշման հիման վրա:
Թեկնածուի կենսագրությունը ներկայացրեց ՔՊ-ից Հերիքնազ Տիգրանյանը: Գալստյանը մասնագիտությամբ իրավաբան է, 2016 թվականից ՄԱԿ-ի կոռուպցիայի դեմ կոնվեցիայի շրջանակում փորձագետ է, 2017 թվականից՝ Տնտեսական համագործակցության զարգացման կազմակերպության հակակոռուպցիոն ցանցի կոնտակտային անձ, 2018-ից՝ Եվրոպայի խորհրդի կոռուպցիայի դեմ պետությունների խմբի՝ ԳՐԵԿՈ-ի ազգային պատվիրակության անդամ:
«Կոռուպցիայի՝ անգամ նվազագույն քանակի առկայությունն ուղղակի վտանգ է ազգային անվտանգությանը, պետության մարտունակությանը, տնտեսությանը և առհասարակ ուժեղ և անվտանգ պետություն ունենալու բոլոր բաղադրատարրերին: Ես, 2014 թվականից ստանձնելով հակակոռուպցիոն քաղաքականության մշակման պատասխանատվությունը, միշտ հավատացել եմ, որ համատեղ ուժերով հնարավոր կլինի օրենքի շրջանակներում ագրեսիվ և անհանդուրժող պայքար մղել կոռուպցիայի դեմ»,- իր ելույթում նշեց Գալստյանը:նրամասները՝ տեսանյութում:
Մանրամասները՝ տեսանյութում:
