16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Բելառուսը պատրաստվում է Ուկրաինայի հետ սահմանին С-400 զենիթահրթիռային համալիրներ տեղակայել
Քաղաքականություն
13.09.2021 | 19:16
Բելառուսի իշխանությունները մտադիր են Ռուսաստանից գնել С-400 զենիթահրթիռային համալիրներ և դրանք տեղակայել Ուկրաինայի հետ սահմանին, ասել է Ալեքսանդր Լուկաշենկոն «Արևմուտք -2021» զորավարժությունների ժամանակ, հայտնում է «Բելտան»:
Ընդհանուր առմամբ, ըստ Լուկաշենկոյի, Բելառուսը ծրագրում է մեկ միլիարդ դոլարի զենք գնել Ռուսաստանի Դաշնությունից:
«Ես նրան (Ռուսաստանի նախագահ Վլադիմիր Պուտինին-խմբ.) մեկ անգամ ևս հիշեցրի С-400- ի մասին, ասացի նրան, թե որտեղ ենք ուզում տեղադրել այդ համալիրները: Փառք Աստծո, այժմ մենք ամբողջովին փակել ենք շրջագիծը արևմտյան ուղղությամբ С- 300 համալիրներով: Սակայն, ինչպես գիտեք, ավելացել է նաև հարավային ուղղությունը: Մենք պետք է պատրաստվենք Ուկրաինայի հետ սահմանի 1200 կմ-ին, այնպես որ ստիպված կլինենք փակել նաև դա: Եվ մենք պարզապես ասացինք, որ С-400- ները մեզ շատ օգտակար կլինեն այս հարցում: Եվ նա հանձնարարականներ տվեց պաշտպանության նախարարին, որպեսզի մեր նախարարի հետ քննարկեն այս հարցերը, որպեսզի կարողանան մեզ տրամադրել այդ համալիրները», – ասել է Լուկաշենկոն:
Վերջինս նաև տեղեկացրել է, որ Պուտինի հետ պայմանավորվել է նաև մինչև 2025 թվականը զենքի մատակարարման մասին:
Տաթև Ֆռանգյան
