18.01.2026 | 11:31
Վթարային ջրանջատում Վայոց Ձորի մարզում
Բոլոր ընտրակեղծարարների թաթիկներին այդ մուրճը իջնելու է՝ փոխաբերական իմաստով․ Վահագն Ալեքսանյան. ՏԵՍԱՆՅՈՒԹ
Քաղաքականություն
13.09.2021 | 15:45
խորհրդարանում քննարկվում է ԿԸՀ-ի գործունեության մասին հաղորդումը։
«Իմ քայլը» խմբակցության պատգամավոր Վահագն Ալեքսանյանն ընդդիմադիր պատգամավորներին հորդորեց հավասարության նշան չդնել վերջին և նախկին ընտրությունների միջև՝ ընդգծելով, որ նախկին ընտրությունները կեղծվել են, ընտրակաշառք է բաժանվել, ընտրողների վրա ճնշումներ են գործադրվել:
«5-20 հոգանոց շատ կասկածելի վարք ու բարք ունեցող մարդկանց ողջույնը՝ հղած Նիկոլ Փաշինյանին, կարիք չկա ներկայացնել որպես ընդհանուր՝ «Սյունյաց ողջույն»,- ասաց Ալեքսանյանը: ՔՊ-ական պատգամավորն իր անհամաձայնությունը հայտնեց նաև այն պնդումներին, որ արտահերթ ընտրությունների նախընտրական շրջանում Սյունիքում վախի մթնոլորտ է ստեղծվել ու որպես վախի խորհրդանիշ Փաշինյանը մուրճ է ցուցադրել։
«Ես շատ ուրախ եմ, որ այդ մուրճը ցուցադրվել է, և վստահեցնում եմ, որ բոլոր ընտրակեղծարարների թաթիկներին, ձեռքերին՝ փոխաբերական, այլաբանական իմաստով, այդ կամ գուցե ուրիշ մուրճ, այնուամենայնիվ, իջնելու է։ Նորից եմ ասում՝ փոխաբերական իմաստով, բայց եթե որոշ ընտրակեղծարարներ իրենց վտանգված զգան, կարող են իմ դեմ համապատասխան հայց ներկայացնել», – հայտարարեց Ալեքսանյանը։
Մանրամասները՝ տեսանյութում:
