18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Վրաստանի բնակչության 20,2% -ն ամբողջությամբ պատվաստվել է Covid-19-ի դեմ
Քաղաքականություն
13.09.2021 | 15:11
Վրաստանում կորոնավիրուսի դեմ պատվաստման ամբողջական կուրսն անցել է 577 162 մարդ, ինչը կազմում է երկրի չափահաս բնակչության 20,2% -ը: Այս մասին հայտնում է Վրաստանի Հիվանդությունների վերահսկման և հանրային առողջության ազգային կենտրոնը, գրում է «Գրուզիա օնլայնը»:
Պատվաստանյութի առաջին չափաբաժինը ստացել է 889 903 մարդ կամ հասուն բնակչության 31,2% -ը։ Այսպիսով՝ սեպտեմբերի 11-ի դրությամբ Վրաստանում ընդհանուր առմամբ արվել է 1 467 065 ներարկում։
Վրաստանում կորոնավիրուսի դեմ պատվաստումները սկսվել են մարտի 15-ից, հետզհետե իր մեջ ներառելով բնակչության ավելի շատ խմբեր։ Պատվաստումները զանգվածային բնույթ են ստացել հուլիսի 5-ից։
Այս պահին Վրաստանում Pfizer- ով պատվաստումը թույլատրվում է 16 տարեկանից բարձր անձանց համար: 45 տարեկանից բարձր մարդիկ կարող են ընտրել AstraZeneca- ն, իսկ 18 -ից բարձր անձինք ՝ Sinovac- ը կամ Sinopharm- ը:
Ազգային ծրագրի համաձայն ՝ Վրաստանի մեծահասակ բնակչության 60% -ը կամ մոտ 1.3 մլն քաղաքացի պետք է մինչև 2021 թվականի վերջը պատվաստվեն COVID -19-ի դեմ:
Տաթև Ֆռանգյան
