Քաղաքականություն
13.09.2021 | 14:56
«Թալիբան» շարժման անվտանգության ուժերը հայտարարել են, որ Մազարի-Շարիֆում չեզոքացվել է երեխաների առևանգմամբ զբաղվող խմբավորում ու ազատ է արձակվել 4 անչափահաս, հայտնում է «Ինտերֆաքսը»՝ հղում կատարելով Aamaj News-ին։
Թալիբները հատուկ օպերացիան իրականացրել են երկուշաբթի գիշերը։ Նրանց պնդման համաձայն՝ երեխաների առևանգմամբ զբաղվող խմբավորման մեջ եղել են 4 աֆղան տղամարդ ու մեկ ուզբեկ կին։ Բոլորը սպանվել են։
Սեպտեմբերի 13-ի գիշերը մի քանի աֆղանական լրատվականներ հայտնել են Մազարի-Շարիֆում խոշոր բախումների մասն։ Լրագրողները ենթադրում էին, որ բախումները եղել են թալիբների ու այլ զինյալների միջև կամ հենց թալիբները միջև։
