22.01.2026 | 20:38
Եվրո-2026․ Ֆուտզալի Հայաստանի հավաքականը մեկնարկեց կամային հաղթանակով
Ցմահ դատապարտյալին «Նուբարաշենից» տեղափոխել են «Արմավիր» ՔԿՀ՝ կիսափակ ռեժիմի
19.03.2018 | 19:02
Ցմահ դատատապարտյալ Աշոտ Մանուկյանին «Նուբարաշեն» ՔԿՀ-ից տեղափոխել են Արմավիր քրեակատարողական հիմնարկ՝ կիսափակ ռեժիմի։ Նրա փաստաբան Նարեկ Ալոյանը սա համարում է իրենց առաջին հաղթանակը:
«Փետրվարի 16-ին դիմում էի գրել ՀՀ ԱՆ Քրեակատարողական վարչության պետ գեներալ-մայոր Ռ.Հովհաննիսյանին՝ խնդրելով ցմահ դատապարտյալ Աշոտ Մանուկյանին հետագա պատժի կրման համար «Նուբարաշեն» քրեակատարողական հիմնարկի փակ ուղղիչ հիմնարկից տեղափոխել «Արմավիր» քրեակատարողական հիմնարկի կիսափակ ուղղիչ հիմնարկ։ Ցմահ դատապարտյալ Աշոտ Մանուկյանն արդեն «Արմավիր» քրեակատարողական հիմնարկում է և հետագա պատիժը կկրի կիսափակ ուղղիչ հիմնարկում»,- հայտնեց փաստաբանը։
Նշենք, որ դատապարտյալը ներման խնդրագրով դիմել է նաև նախագահ Սերժ Սարգսյանին՝ ներկայացնելով փաստաթուղթ, որում նշված է, որ 22 տարի առաջ սպանված զինծառայողների ծնողները ներել են իրեն և դեմ չեն, որ Մանուկյանին ներում շնորհվի։ Փաստաբանը նաև ասաց, որ դիմումն այսօր է հասել նախագահական, պատասխանի համար դեռ պետք է սպասել։
Հիշեցնենք՝ Աշոտ Մանուկյանը 22 տարի առաջ 3 զինծառայողի սպանության համար դատապարտվել էր գնդակահարության, որի կիրառումը հանվելուց հետո, արդեն ցմահ ազատազրկման։
