16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ցուցակների խնդիրը մեզ նույնպես անհանգստացնում է․ տեղին է պատգամավորի մտահոգությունը․ Ալեն Սիմոնյան. ՏԵՍԱՆՅՈՒԹ
Քաղաքականություն
13.09.2021 | 12:56
«Ի վերջո, ինչո՞ւ ընտրական ցուցակների մաքրման հարցը չի կարգավորվում։ Աննորմալություն է, երբ մարդը ՀՀ-ում չէ երկար տարիներ, բայց նրա անունը կա ընտրական ցուցակում»,-ԱԺ լիագումար նիստում ԿԸՀ գործունեության տարեկան հաղորդման ներկայացման ժամանակ այսօր ԿԸՀ նախագահ Տիգրան Մուկուչյանին ասաց «Հայաստան» դաշինքի պատգամավոր Գեղամ Նազարյանը։
Տիգրան Մուկուչյանը պատասխանեց, որ ընտրական օրենսգիրքն ունի լիարժեք վերահսկողություն կատարելու բոլոր գործիքները։
ԱԺ նախագահ Ալեն Սիմոնյանը պատգամավորի մտահոգությունը տեղին համարեց. «Մեզ նույնպես անհանգստացնում է ցուցակների հարցը։ Կարծում եմ՝ պետք է հետամուտ լինենք, որ այդ հարցը մեկընդմիշտ փակվի։ Պատգամավորի մտահոգությունը, պարոն Մուկուչյան, շատ տեղին է։ Հասկանում եմ ձեր ասածը, բայց քաղաքական տեսանկյունից դրա մասին տարիներ շարունակ խոսվել է։ Քայլեր պետք է ձեռնարկենք, որ հաջորդ ընտրություններից հետո նման հարց չառաջանա»։
Տիգրան Մուկուչյանն արձագանքեց՝ նշելով, որ արդեն իսկ սահմանված է, որ ժամկետանց անձնագրով քաղաքացիների տվյալներն այլևս չեն լինելու ընտրական ցուցակներում․ «Ժամկետանց անձնագիրը ենթադրում է, որ քաղաքացին վաղուց ՀՀ-ում չէ։ Առաջիկա ՏԻՄ ընտրություններում այս իրավադրույթը կկիրառվի և որոշակի առումով լուծում կտա հարցին»։
Մանրամասները՝ տեսանյութում:
