11.10.2026 | 10:00
Նորբերտո Բրիասկո Բալեկյանն առաջին դուբլն է գրանցել կարիերայում. ՏԵՍԱՆՅՈՒԹ
Իրանի իշխանությունները շուտով կվերսկսեն միջուկային գործարքի շուրջ բանակցությունները
Քաղաքականություն
13.09.2021 | 14:05
Իրանի իշխանությունները շուտով կվերսկսեն Ավստրիայի մայրաքաղաքում միջուկային գործարքի շուրջ բանակցությունները: Այդ մասին երկուշաբթի մամուլի ասուլիսի ժամանակ հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն, գրում է ՏԱՍՍ-ը:
«Կառավարությունը շուտով կվերսկսի բանակցությունները Վիեննայում», – ասել է նա: «Մենք կփորձենք ոչ մի րոպե չհետաձգել այս գործընթացը»:
Դիվանագետի խոսքով ՝ «Թեհրանը հստակ ակնկալում է, որ մյուս կողմերը իրատեսական մոտեցում կցուցաբերեն, երբ հայտնվեն Վիեննայում»:
«Իրանը չի ստանձնի որևէ պարտավորություն, որը դուրս կլինի Գործողությունների համատեղ համապարփակ ծրագրից», – հավելել է նա:
Հիշեցնենք՝ ապրիլից Վիեննայում բանակցություններ են ընթանում Իրանի և միջազգային «հնգյակի» (Ռուսաստան, Մեծ Բրիտանիա, Գերմանիա, Չինաստան և Ֆրանսիա) միջև ՝ իրանական միջուկային համաձայնագիրն իր սկզբնական տեսքով վերականգնելու համար:
Տաթև Ֆռանգյան
