Քաղաքականություն
13.09.2021 | 10:15
Ճապոնիայի կառավարությունը դիվանագիտական ուղիներով բողոք է ուղարկել Ռուսաստանի Դաշնություն ՝ կապված ռուսական Ան-26 ինքնաթիռի կողմից Ճապոնիայի օդային տարածքի ենթադրյալ խախտման հետ և պահանջել է թույլ չտալ նման միջադեպերի կրկնություն: Այս մասին երկուշաբթի օրը հերթական մամուլի ասուլիսի ընթացքում հայտարարել է Ճnապոնիայի նախարարների կաբինետի գլխավոր քարտուղար Կացունոբու Կատոն. հայտնում է ՏԱՍՍ-ը:
«Արտաքին գործերի նախարարությունը դիվանագիտական ուղիներով բողոք է ուղարկել ռուսական կողմին և պահանջել թույլ չտա [նման միջադեպերի] կրկնություն», – ասել է նա:
Ըստ Կատոյի, ճապոնական կողմը ներկայումս վերլուծում է միջադեպը և փորձում պարզել, թե ինչ նպատակով է ռուսական ինքնաթիռը երկու անգամ խախտել Ճապոնիայի օդային տարածքը:
Նշենք, որ սեպտեմբերի 12-ին Ճապոնիայի պաշտպանության նախարարությունը հայտարարություն տարածեց, որ ռուսական Ան -26 ինքնաթիռը երկու անգամ խախտել է երկրի օդային տարածքը հյուսիսային Հոկայդո կղզու մոտ:
