29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Որքան իրենք չընտրեն, մենք այդքան առաջադրելու ենք Ղազինյանին հանձնաժողովի փոխնախագահի պաշտոնում. ՏԵՍԱՆՅՈւԹ
Քաղաքականություն
10.09.2021 | 20:37
Խորհրդարանական ընդդիմությունն արդյո՞ք արդեն փակել է վարչապետ Նիկոլ Փաշինյանին պաշտոնանկ անելու հարցը և փորձում է տարբեր հարցերով համագործակցել, աշխատել խորհրդարանի շրջանակներում: Factor.am-ի հետ զրույցում անդրադառնալով այս հարցին՝ «Հայաստան» խմբակցության պատգամավոր Վահե Հակոբյանը նշեց. «Ոչ մի դեպքում մենք չենք փակել այդ հարցը, եթե փակած լինեինք, այսօր չէինք գտնվի ԱԺ-ում, մեր պայքարը և՛ ԱԺ-ում, և՛ դրսում շարունակվում է»:
Դիտարկմանը, որ կա կարծիք, թե հնաավոր է՝ կուլիսային պայմանավորվածություններ կան ընդդիմության և իշխանության միջև՝ Հակոբյանն արձագանքեց. «Բացառում եմ ես դա միանգամից և կտրուկ»:
Իսկ թե ինչու է իշխանությունն արդեն երկրորդ անգամ մերժել «Հայաստան» խմբակցության պատգամավոր Արթուր Ղազինյանի թեկնածությունը ԱԺ արտաքին հարաբերությունների մշտական հանձնաժողովի փոխնախագահի պաշտոնում, Հակոբյանը կարծիք հայտնեց, որ դա հերթական դեմարշ է, որ ցույց տան, թե մեծամասնություն են կազմում. «Որքան իրենք չընտրեն, մենք այդքան առաջադրելու ենք Ղազինյանի թեկնածությունը»:
Մանրամասները՝ տեսանյութում:
