19.11.2024 | 14:24
Մինչև 2018 թվականը ՀՀ-ում ռազմավարական երկարաժամկետ նպատակներ հայտարարված չեն եղել․ Արշակյան․ ՏԵՍԱՆՅՈՒԹ
Երբ Եռաբլուրում դեռ փոսեր են փորվում, արգահատելի է խոսել գունագեղ տոնակատարության մասին. Լ. Գալստյան․ ՏԵՍԱՆՅՈւԹ
Քաղաքականություն
10.09.2021 | 19:11
Վարչապետ Նիկոլ Փաշինյանն օրերս կառավարության նիստում հայտարարել է, որ Սեպտեմբերի 21-ը՝ Անկախության օրը մասշատաբային և գունագեղ միջոցառումներ են կազմակերպվելու, ինչի շուրջ հնչում են իրարամերժ կարծիքներ: Factor.am-ի հետ զրույցում «Հայաստան» խմբակցության պատգամավոր Լիլիթ Գալստյանը նշեց, որ «Հայաստան» դաշինքը հանդես է եկել հայտարարությամբ:
«Ըստ էության, նույնիսկ գունագեղ և տոնակատարություն բառերը բացարձակապես համապատասխան չեն նրան, ինչի մեջ ապրում է Հայաստանը, նույնիսկ առնչություն չունեն:
Անշուշտ, ՀՀ անկախության 30-ամյակը պետք է նշվի և արժևորվի, որովհետև անկախ պետականությունը պետության կազմակերպվածության բարձրագույն ձևն է, մենք պետք է արժևորենք մեր թե՛ ձեռքբերումները, թե՛ կորուստները: Բայց այսօր, երբ Հայաստանի ինքնիշխանությունը սասանված է և ադրբեջանցին թրատում է Հայաստանի քարտեզը, երբ որ Եռաբլուրում դեռ փոսեր են փորվում, երբ որ մեր վերքը դեռ արնածոր է, այս անորոշությունների, ցավի, ողբերգության միջավայրում գունագեղ տոնակատարության մասին խոսելը ոչ համարժեք հոգեվիճակով մարդու արտահայտություն է:
Մյուս կողմից՝ պետք է գնահել, արժևորել, և գնահատական տալ անցյալին և ապագայի մասին խոսել, բայց դրա համար պետք է ստեղծվեր պետական հանձնաժողով և քննարկվեր ՀՀ անկախության 30-ամյակը գնահատելու ձևաչափը: Վերջին 3 տարիներին մենք համոզվեցինք, որ ՀՀ-ն կախված է մեկ մարդու կամքից, քաղաքական քիմքից ու ճաշակից…
Անվտանգության սպառնալիքների, սևացված անցյալի, վտանգված ներկայի և անորոշ ապագայի միջավայրում, որի մեջ ապրում ենք, գունագեղ տոնակատարության մասին խոսելն ուղղակի արգահատելի է և անարգանք է թե՛ զոհերի հիշատակին ու նրանց ընտանիքների, և թե՛ հասարակության ողջամիտ շրջանակների նկատմամբ»:
Մանրամասները՝ տեսանյութում:
