19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Վրաց-ռուսական սահմանին սկսվել է տարածաշրջանում ամենամեծ թունելի շինարարությունը
Քաղաքականություն
10.09.2021 | 19:20
Վրաստանի վարչապետ Իրակլի Ղարիբաշվիլին դարի նախագիծ է անվանել Վրաստանն ու Ռուսաստանը կապող ճանապարհին 9-կիլոմետրանոց թունելի և Քվեշեթի-Կոբի նոր ճանապարհի կառուցումը, որը Ժինվալի-Նաթախթարի հատվածի բացումից հետո հնարավորություն կտա Թբիլիսիից Կազբեգի հասնել ընդամենը մեկուկես ժամում, գրում է Sputnik-ի վրացական ծառայությունը:
Քվեշեթի-Կոբի հատվածը Կոբի-Գուդաուրի հատվածի շրջանցիկ երթուղին է, որտեղ ձմռանը հաճախ ձնահյուսերի վտանգ է առաջանում, ինչի պատճառով էլ ճանապարհը փակվում է:
Վրաստանն ու Ռուսաստանը կապող վրացական ռազմական մայրուղու վրա թունելի կառուցումը թույլ կտա, որ հայ փոխադրողները ևս այլևս օրեր շարունակ չմնան Վերին Լարսի անցակետի ճանապարհին:
«Սա իսկապես դարի նախագիծ է, քանի որ տարեկան հարյուր օր այս ճանապարհը փակ է: Ըստ այդմ, այս նախագիծը կարևոր է ինչպես մեր երկրի, այնպես էլ բնակչության և ամբողջ տարածաշրջանի համար», – ասել է Ղարիբաշվիլին Քվեշեթի-Կոբի 9-կիլոմետրանոց թունելի շինարարական աշխատանքների մեկնարկի արարողության ժամանակ:
Տաթև Ֆռանգյան
