09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Երևանի թիվ 122 դպրոցի նախկին տնօրեն Մարինե Մալախյանը չի կալանավորվի
Հասարակություն
10.09.2021 | 14:52
Երևանի ընդհանուր իրավասության դատարանը՝ դատավոր Աննա Մաթևոսյանի նախագահությամբ, մերժել է Մալախյանի նկատմամբ կալանավորումը որպես խափանման միջոց ընտրելու մասին քննիչի միջնորդությունը։ Երևանի թիվ 122 դպրոցի նախկին տնօրեն Մարինե Մալախյանը չի կալանավորվի։ Այս մասին Factor.am-ի հետ զրույցում ասաց պաշտպան Լիպարիտ Սիմոնյանը։
Միևնույն ժամանակ դատարանը բավարարել է Մալախյանին ձերբակալելու մասին որոշման դեմ բողոքը՝ ոչ իրավաչափ ճանաչելով ձերբակալությունը։ Մալախյանն ազատ է արձակվել հենց դատական նիստերի դահլիճից։
Հիշեցնենք՝ դպրոցի ուսուցչուհիներից մեկը Fip.am-ին տրամադրել էր ձայնագրություն՝ իր և տնօրենի մասնակցությամբ կաշառք տալու ու ստանալու վերաբերյալ: Մելինե Հակոբյանի և տնօրեն Մարինա Մալախյանի խոսակցության ձայնագրությունից պարզ էր դառնում, որ ուսուցչուհին աշխատանքի է ընդունվել 1500 դոլար վճարելու շնորհիվ, իսկ հետո էլ աշխատավարձի մի մասը պարբերաբար տվել տնօրենին: Փաստի առիթով հարուցված է քրեական գործ՝ կաշառք տալու, ստանալու, կաշառքի միջնորդության մասին հոդվածներով:
Ռոզա Վարդանյան
