29.06.2026 | 21:12
Կաշկանդված եմ Մեդվեդևի խոսքը մեկնաբանել, քանի որ չեմ կարդացել. Վահագն Ալեքսանյան․ ՏԵՍԱՆՅՈւԹ
ՄԱԿ-ի գլխավոր քարտուղարն Աֆղանստանի հետ երկխոսության կոչ է արել
Քաղաքականություն
10.09.2021 | 14:29
ՄԱԿ-ի գլխավոր քարտուղար Անտոնիո Գուտերեշը կարծում է, որ միջազգային հանրությունը պետք է շարունակի Աֆղանստանում երկխոսությունը Թալիբների հետ՝ տնտեսական կոլապսի ու երկրում միլիոնավոր մարդկանց մահերից խուսափելու համար։ Այս մասին գլխավոր քարտուղարը հայտարարել է AFP-ին տված հարցազրույցում։
«Մենք պետք է աջակցենք թալիբների հետ երկխոսությանը, որով մենք անմիջականորեն կհաստատենք մեր սկզբունքները՝ երկխոսություն հանուն աֆղան ժողովրդի հետ համերաշխության։ Մեր պարտքն է համերաշխություն ցուցաբերել այն մարդկանց հետ, որոնք մեծապես տառապում են, նրանցից միլիոնավորները վտանգված են սովամահ լինել»,- ընդգծել է Գուտերեշը։
Միևնույն ժամանակ, ՄԱԿ -ի գլխավոր քարտուղարը հայտնել է, որ այժմ «երաշխիքներ չկան» նման բանակցությունների արդյունավետության վերաբերյալ, բայց դրանք պետք է անցկացվեն, որպեսզի «կանխվի Աֆղանստանն ահաբեկչության կենտրոն դառնալուց ու որպեսզի այդ երկրում կանանց իրավունքների չոտնահարվեն»:
Գուտերեշը չի բացառել, որ հնարավոր է անձամբ այցելի Աֆղանստան, եթե դրա համար կլինեն բարենպաստ պայմաններ։ Նա հավելել է, որ ՄԱԿ-ը կցանկանար Քաբուլում ներառական կառավարություն տեսնել, որտեղ ներկայացված կլինեին աֆղան հանրության բոլոր շերտերը։
ՄԱԿ-ի գլխավոր քարտուղարը կոչ է արել Աֆղանստանում թույլ չտալ տնտեսական կոլապս, որը մարդասիրական ոլորտում կարող է հանգեցնել «սարսափելի ու մասշտաբային հետևանքների»։
Տաթև Ֆռանգյան
