19.11.2024 | 16:35
Գամփռին դաժան վերաբերմունքի են արժանացրել․ պահանջում ենք պաշտպանել կենդանիների իրավունքները․ ՏԵՍԱՆՅՈՒԹ
Այս նախագիծը ոչինչ չի փոխում․ ԱԺ բոլոր հանձնաժողովները զբաղվում են նաև Արցախի հարցերով․ Վլադմիր Վարդանյանը՝ Աղվան Վարդանյանին. ՏԵՍԱՆՅՈՒԹ
Քաղաքականություն
10.09.2021 | 11:55
ԱԺ պետաիրավական հարցերի մշտական հանձնաժողովի արտահերթ նիստում քննարկվում է ԱԺ ընդդիմադիր խմբակցությունների ներկայացրած՝ «Արցախի հարցերով խորհրդարանական մշտական հանձնաժողով» ստեղծելու հարցը։
«Այս նախագիծը ուղղված չէ դեպի ապագա, ուղղված չէ Արցախի այսօրվա և վաղվա խնդիրների լուծմանը, այլ վերաբերում է անցյալին: Այն առավելապես ունի ներպետական սպառման բովանդակություն, արտաքին իրավաքաղաքական հարթությունում այս փոփոխությունը նույնիսկ մեկ քայլ մեզ չիմոտեցնում Արցախի հարցի լուծմանը: Այո՛, մենք համարում ենք, որ արցախյան հակամարտությունը և արցախյան հիմնահարցը փակ չէ, քանի որ կա միջազգայնորեն ճանաչված ձևաչափ՝ դա ԵԱՀԿ Մինսկի խմբի ձևաչափն է, որի շրջանակներում աշխատանքներ պետք է տարվեն այնքան ժամանակ, մինչև այդ հարցի քաղաքական լուծումը տեղի կունենա»,- նշեց ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը:
«Եվս մեկ անգամ վերահաստատելով մեր բոլորի նվիրվածությունը Արցախին և Արցախի հարցի հայանպաստ կարգավորմանը՝ այդուհանդերձ, պետք է ունենանք այնպիսի լուծումներ, որոնք լինեն արդյունավետ, օգտակար Արցախի ժողովրդի իրավունքների պաշտպանությանը:
Այս նախագիծը որևէ ձևով չի մոտեցնում Արցախի հարցի հայանպաստ լուծումներին: Այն չի էլ վատթարացնում իրավիճակը, որևէ բան չի փոխում։ Ձեր նախագիծը, բացի ներպետական սպառումից, որևիցե հարց չի կարգավորում», – ասաց Վարդանյանը։
Նա նաև ընդգծեց, որ ԱԺ բոլոր հանձնաժողովներն անխտիր զբաղվում են նաև Արցախի հիմնախնդրով, և առաջարկեց ձեռնպահ մնալ առաջարկվող նախագծի ընդունումից:
Մանրամասները՝ տեսանյութում:
