25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Պակիստանը հերքել է Փանջշիրը գրավելու հարցում թալիբներին օգնելու մասին լուրերը
Քաղաքականություն
10.09.2021 | 18:06
Այսօր Պակիստանը հերքել է Աֆղանստանի Փանջշիր նահանգի վրա «Թալիբան» շարժման կողմից վերահսկողություն հաստատելու մեջ ներգրավված լինելու մասին մեղադրանքները: Այս մասին հայտնել է երկրի ԱԳՆ խոսնակ Ասիմ Իֆտիխարին, գրում է ՏԱՍՍ-ը:
Նրա խոսքով ՝ առանձին լրատվամիջոցների տարածած նման պնդումները Պակիստանի դեմ «քարոզչական արշավի» և միջազգային հանրությանը մոլորեցնելու «հուսահատ փորձի» մի մասն են:
Իֆտիխարին շեշտել է, որ հնդկական լրատվամիջոցների կայքերում հրապարակված մի շարք հրապարակումներ արդեն իսկ հերքվել են:
Ավելի վաղ հնդկական Pioneer թերթը հայտնել էր, որ Պակիստանի ռազմաօդային ուժերի ինքնաթիռներն ու հատուկ նշանակության ստորաբաժանումները ռազմական աջակցություն են ցուցաբերել Թալիբանի գործողություններին ՝ Փանջշիր նահանգը գրավելու համար:
Տաթև Ֆռանգյան
