17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Վրաստանում զինված անձը ներխուժել է բանկ ու պատանդներ վերցրել
Քաղաքականություն
09.09.2021 | 17:12
Անհայտ անձը ներխուժել է Վրաստանի Կվարելի քաղաքի Ճավճավաձե փողոցի վրա գտնվող «Վրաստանի բանկի» մասնաճյուղ։ Այս մասին հայտնում են Վրաստանի ՆԳՆ-ից, գրում է Sputnik-ի վրացական ծառայությունը։
Գերատեսչության տվյալներով՝ բանկ ներխուժած տղամարդը զինված է, դեպքի վայրում մոբիլիզացվել են ոստիկանության աշխատակիցներ։
«Հարձակման մասին տեղեկություն ստանալուն պես ոստիկանության աշխատակիցներն անհապաղ շրջափակել են տարածքը»,- ասված է հաղորդագրության մեջ։
Վրացական լրատվամիջոցները հայտնում են, որ հարձակվողը, հնարավոր է, բանկում գտնվող մի քանի մարդու պատանդ է վերցրել։ «Ռուսթավի 2» հեռուստաալիքի հաղորդմամբ՝ զինված տղամարդը պատանդ է վերցրել 15 մարդու և կես միլիոն լարիի չափով փրկագին է պահանջում։ Այս տեղեկությունը դեռևս պաշտոնապես չի հաստատվել:
Տաթև Ֆռանգյան
