Հասարակություն
19.03.2018 | 15:32«Երևան քաղաքի կառավարումը ձախողված է, քանի որ ցանկացած կառավարման համակարգում կարևոր են կառավարող մարմնի լեգիտիմությունը և բարոյական արժեքները։ Ստիպված եմ վերադառնալ Հոկտեմբերի 27-ի դեպքերին և նշել, որ այն ժամանակվա քաղաքական առաջատարներից մեկը հրապարակավ իր անվստահությունը հայտնեց այն ժամանակվա Ազգային անվտանգության նախարար Սերժ Սարգսյանին։ Սպանվեցին մարդիկ»,-Երևանի ավագանու այսօրվա նիստի ընթացքում իր ելույթում նշեց «Երկիր Ծիրանի» խմբակցության անդամ Մարինա Խաչատրյանը։
Նա շեշտեց, որ այժմ մեր քաղաքի կառավարումը զավթել են մարդիկ, որոնցից մեկի հայրը եղել է առաջին նշած գործողությունների հեղինակը, երկրորդի ամուսինը սպանվել է, և այսօր այդ մարդիկ համագործակցում են հանցավոր իշխանությունների հետ և ծառայում նրանց։
«Մի՞թե այդ մարդիկ պետք է մեդալ վերցնեին, նրանք պետք է թքեին նույն Սերժ Սարգսյանի երեսին։ Նա պետք է ասեր՝ դու սպանել ես իմ ամուսնուն։ Դուք վաճառել եք ձեզ, մեր քաղաքը վաճառել մենք ձեզ թույլ չենք տալու»,-ասաց Խաչատրյանը։
Իր ելույթում նա նաև խոսեց «Երկիր Ծիրանի» խմբակցության գործավարուհու կողմից քաղաքապետարանի տրամադրած նվեր քարտն ընդունելու փաստի մասին և ընդգծեց, որ խմբակցությունում մի քանի օր առաջ են իմացել, որ նա մասնակցել է բյուջեի թալանին․ «Մենք հաղոդում ենք ներկայացրել մեր նախկին գործավարուհու գործունեության վերաբերյալ»,-հավելեց Խաչատրյանը։
Մանրամասները՝ տեսանյութում
