Քաղաքականություն
09.09.2021 | 20:13
ՀԱՊԿ-ը կարող է զորախումբը տեղակայել Տաջիկստանում, հայտարարել է Բելառուսի անվտանգության խորհրդի քարտուղար Ալեքսանդր Վոլֆովիչը։ Այս մասին գրում է EADaily-ն։
Որպես Տաջիկստանի ռազմական ուժի հնարավոր ուժեղացման պատճառ Վոլֆովիչն անվանել է Աֆղանստանում վերջին իրադարձությունները, որոնք կարող են հանգեցնել անդրազգային սպառնալիքներն ու մարտահրավերները։
«Հետագա սրացումներն ու անկանխատեսելի իրավիճակները չեն բացառում նաև Տաջիկստանի տարածքում կազմակերպության անդամ երկրների զորախմբերը տեղակայելու որոշումը՝ տաջիկ-աֆղանական սահմանի հսկման նպատակով»,- հայտնել է պետքարտուղարը։
Վոլֆովիչը նշել է, որ իրավիճակն Աֆղանստանում տարածաշրջանային անկայունության օջախ է ստեղծում, որը, հաշվի առնելով զսպման և անվտանգության միջազգային համակարգերի անկարողությունը, կարող է առաջացնել համաշխարհային լարվածության նոր փուլ և վերածվել լայնածավալ ռազմական հակամարտության:
Բելառուսի Անվտանգության խորհրդի ներկայացուցիչը հավելել է, որ Աֆղանստանում տեղի ունեցող իրադարձությունները կարող են հանգեցնել ահաբեկչության, ծայրահեղականության, թմրանյութերի ապօրինի շրջանառության, զենքի և անօրինական միգրացիայի սպառնալիքի ավելացման: Փախստականների անվերահսկելի հոսքը Բելառուս, ինչը կարող է հանգեցնել հանցագործության աճի, ահաբեկչական խմբավորումների կազմավորմանը և երկրում երիտասարդների ակտիվ հավաքագրմանը, որոշակի վտանգ է ներկայացնում Եվրոպայի համար, ասել է Վոլֆովիչը:
Տաթև Ֆռանգյան
