30.07.2026 | 20:45
«Վառվող առաջարկներ» Wildberries-ում․ ի՞նչպես են ուկրաինական հարվածներն ազդել հայ վաճառողների վրա․ ՏԵՍԱՆՅՈՒԹ
Չինաստանը պատրաստ է թալիբների հետ երկխոսությանն ու 200 միլիոն յուան օգնություն է տրամադրելու
Քաղաքականություն
08.09.2021 | 19:35
Չինաստանի իշխանություններն Աֆղանստանին 200 միլիոն յուանի չափով արտակարգ օգնություն կցուցաբերեն։ Այս մասին հայտարարել է ՉԺՀ ԱԳ նախարար Վան Ին Իրանի, Պակիստանի, Տաջիկստանի, Թուրքմենիայի և Ուզբեկստանի արտգործնախարարների մասնակցությամբ առցանց հանդիպմանը, գրում է EADaily-ն։
«Աֆղան ժողովրդի պահանջներից ելնելով՝ մեր երկիրըն Աֆղանստանին կտրամադրի 200 միլիոն յուանի չափով արտակարգ օգնություն»,- Չինաստանի ԱԳՆ ղեկավարի խոսքն է մեջբերում լրատվականը։
Ավելի վաղ ՉԺՀ ԱԳՆ պաշտոնական ներկայացուցիչ Վան Վենբինը հայտարարել է, որ Պեկինը պատրաստ է «Թալիբան»-ի կողմից կազմված Աֆղանստանի նոր կառավարության հետ երկխոսության։
Թալիբները մինչ այդ հայտարարել էին, որ Չինաստանին համարում են իրենց պետության՝ Աֆղանստանի Իսլամական Էմիրության գլխավոր գործընկերը։
Տաթև Ֆռանգյան
