19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Հայաստանի կողմից պետք է պաշտոնական մակարդակով հրապարակվի գերիների թիվը. ՄԻՊ
Հասարակություն
08.09.2021 | 14:40
«Գերիների թիվը մեր կողմից այդպես էլ պաշտոնապես հրապարակված չէ: Իմ կարծիքով՝ դա ճիշտ մոտեցում չէ»,- այս մասին այսօր հրավիրված ասուլիսում ասաց ՀՀ ՄԻՊ Արման Թաթոյանը:
«Պաշտոնական մակարդակով գերիների թվի հրապարակումը հնարավորություն կտա էլ ավելի ուժեղացնել դիրքորոշումները, գերեվարված յուրաքանչյուր զինվորի ու քաղաքացիական անձի կյանքի համար ադրբեջանական իշխանությունների պատասխանատվությունն էլ ավելի մեծացնել և հնարավորություն կտա մեծացնել նաև ճնշումը միջազգային կառույցների նկատմամբ»,- նշեց ՄԻՊ-ը:
Նա նաև տեղեկացրեց, որ եղել է դեպք, երբ ռազմագերուն Ադրբեջանում սպանել են և հետագայում նրա մարմինն են հանձնել հայկական կողմին. «Ակնհայտ է, որ նման դեպքերում պատասխանատվությունը ադրբեջանական կողմինն է»:
Թաթոյանն ընդգծեց, որ շատ ավելի մեծ թվով մարդիկ կան ինդենտիֆիկացված, քան հաստատում է Ադրբեջանը՝ թաքցնելով գերիների իրական թիվը:
ՄԻՊ-ի խոսքով՝ Հայաստանի կողմից պաշտոնական մակարդակով գերիների թվի հրապարակումը շղթայական ազդեցություն կունենա գործընթացների վրա, այդ թվում նաև այն արհեստական դատավարությունների, որ այսօր տեղի են ունենում Ադրբեջանում:
Մանրամասները՝ տեսանյութում:
