Վրաստանը զոհվում է, Վրաստանն անհետանում է քարտեզից․ Սաակաշվիլինի հայտարարել է, որ վերադառնում է

Վրաստանի երրորդ նախագահ Միխեիլ Սաակաշվիլին հայտարարել է, որ այս տարիների ընթացքում առաջին անգամ նշել է, որ գալու է Վրաստան՝ «անկախ այն բանից, թե դա ինչ հետևանք կունենա, քանի որ սա արդեն այն գիծն է, որից այն կողմ մենք կորցնում ենք մեր հայրենիքը»։ Այս մասին գրում է «Գրուզիա օնլայնը»:

«Այս տարիների ընթացքում առաջին անգամ ես ասացի, որ գալու եմ՝ անկախ հետևանքներից: Ում դուր է գալիս կամ դուր չի գալիս և ով ինձ ինչով է սպառնում… Կյանքում առաջին անգամ ես ասել եմ, որ այժմ արդեն հասել է այն սահմանը, որից այն կողմ մենք կորցնում ենք մեր հայրենիքը։ Նախորդ տարիներին ամեն ինչ գնում էր այնպես, որ դեռ կրիտիկական իրավիճակ չէր։ Այժմ իրավիճակն այնքան կրիտիկական է, որ այլևս պայմանականությունների ժամանակ չկա։ Եկեք նախ հաղթենք, եկեք թող նախ բազմաթիվ մարդիկ դուրս գան, ինչ լինելու է՝ կլինի։ Այժմ մենք պարտավոր ենք, այլ ելք չկա։ Վրաստանը զոհվում է, Վրաստանն անհետանում է քարտեզից, և մենք բոլորս նկատում ենք այդ իրավիճակը, մեր երկիրը շատ ծանր վիճակում է»,- ասել է Միխեիլ Սաակաշվիլին։

Հարցին՝ որքանո՞վ էէր ճիշտ, որ նա Վրաստանում չմնաց 2012 թվականին, Միխեիլ Սաակաշվիլին պատասխանել է, որ  հուզական առումով գերհոգնած էր և ցանկանում էր հանգստանալ «վրացական իրավիճակից»։

Նրա խոսքով՝ Վրաստան վերադառնալիս, չնայած այն հանգամանքին, որ բարեկամական հարաբերություններ ունի բազմաթիվ օտարերկրյա գործընկերների հետ, չի պատրաստվում որպես վահան թաքնվել որևէ մեկի հետևում, այդ թվում՝ եվրոպացի խորհրդարանականների հետևում:

Տաթև Ֆռանգյան