05.05.2024 | 18:27
«Տավուշը հանուն հայրենիքի» շարժման երթը Գեղարքունիքի մարզում է
Գերիների սպանության 38 դիմում է ներկայացվել. Սիրանույշ Սահակյան. ՏԵՍԱՆՅՈՒԹ
Հասարակություն
08.09.2021 | 14:34
Իրավապաշտպան Սիրանուշ Սահակյանն այսօր հրավիրված աուլիսում հայտնել է, որ գերիների խնդիրներից զատ կյանքի իրավունքի խախտման դեպքերով այս պահին ներկայացրել են 38 գանգատ: «Սակայն ուսումնասիրում ենք մի քանի տասնյակ այլ գործեր, ունենք նախնական փաստեր, որ սպանվել են նաև այլ գերեվարված անձինք, սակայն սպասում ենք փորձաքննությունների արդյունքներին։ Պետք է լրացնենք այլ փաստահավաք առաքելությամբ, որպեսզի ունենանք վերջնական փաթեթներ։
Կանխատեսումներ ունենք, որ շուրջ 30 գործով ևս կյանքի իրավունքի խախտման խնդիրներ ենք բարձրաձայնելու։ Այս թիվը չի ներառում բռնի անհետացումների դեպքերը։ Սպանության պարագայում ունենք մարմին, ԴՆԹ համընկնում, ապացույցներ, որ անձինք եղել են ողջ՝ Ադրբեջանի վերահսկողության ներքո, մարտական գործողությունների մասնակիցներ չէին, սակայն նրանց կամայական ձևով զրկել են կյանքից, արտադատական գնդակահարությունների են ենթարկել»,- ասաց իրավապաշտպանը։
Մանրամասները՝ տեսանյութում:
