15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
Մեր երկիրն ու ամբողջ աշխարհը վտանգի մեջ են․ Ջո Բայդեն
Քաղաքականություն
08.09.2021 | 14:10
ԱՄՆ նախագահ Ջո Բայդենը երեքշաբթի այցելել է Նյու Յորքի և Նյու Ջերսիի նահանգներ, որոնց բաժին է ընկել «Իդա» փոթորկի հիմնական հարվածը։ Ուսումնասիրելով ավերածությունները՝ Բայդենը հայտարարել է, որ խոսքը գլոբալ կլիմայական փոփոխությունների մասին է, որոնք սպառնում են ամբողջ մոլորակի բնակչությանը, գրում է Euronews-ը։
«Մեր երկիրն ու ամբողջ աշխարհը վտանգի մեջ են՝ առանց չափազանցնելու։ Դա փաստ է։ Մեզ զգուշացնում էին, որ 10 տարի անց տարերային աղետները կդառնան է՛լ ավելի էքստերմալ, և հիմա դրա ժամանակը եկել է։ Նայելով առկա տվյալները, այդքան մարդկանց պատուհասած ավերածությունն ու վիշտը, դուք դա կարող եք զգալ: Չհասկանալ, այլ հենց զգալ, փորձել, շոշափել»,- հայտարարել է Բայդենը։
Նա հայտնել է, որ Սպիտակ տունը Կոնգրեսից կխնդրի ավելի քան 8 միլիարդ դոլար հատկացնել աղետից տուժած շրջանների վերականգնման ջանքերին: Նախագահը նշել է, որ կլիմայական պայմանների փոփոխությունը պետք է հաշվի առնել նոր ենթակառուցվածքային օբյեկտները կառուցելիս:
Տաթև Ֆռանգյան
