16.01.2025 | 23:17
Առաջիկայում տեղի կունենա Վրաստանի, Ադրբեջանի և Թուրքիայի ԱԳ նախարարների հանդիպում
Մեքսիկայում 7,1 մագնիտուդով երկրաշարժ է գրանցվել
Քաղաքականություն
08.09.2021 | 13:18
Մեքսիկայի հարավ-արևմուտքում գտնվող Գերերո նահանգում 7,1 մագնիտուդով երկրաշարժ է գրանցվել, ցնցումները զգացվել են նաև մայրաքաղաքում։ «ՌԻԱ Նովոստիի» հաղորդմամբ՝ այս մասին հայտնել է տեղի Սեյսմոլոգիական ծառայությունը:
«Ժամը 20:47-ին 7,1 մագնիտուդով երկրաշարժ է տեղի ունեցել Ակապուլկոյից 11 կիլոմետր հարավ-արևելք, 10 կիլոմետր խորության վրա»,- ասված է հաղորդագրության մեջ:
Նախնական տեղեկություններով՝ մեկ մարդ զոհվել է: Լուրը հաստատել է Գերերոյի նահանգապետ Հեկտոր Աստուդիլոն:
«Հենց նոր տեղեկացա Կոյուկում տղամարդու մահվան մասին. նրա վրա էլեկտրասյուն է ընկել»,- հայտնել է նա՝ հավելելով, որ այլ զոհերի մասին տեղեկություններ դեռևս չկան։ Միաժամանակ, իշխանությունները նյութական վնասների մասին բազմաթիվ տեղեկություններ են ստանում:
Տաթև Ֆռանգյան
