08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՀՀԿ-ն ոտքի չկանգնեց Ալեն Սիմոնյանի` «Մարտի 1»-ի զոհերի հիշատակը հարգելու կոչի ժամանակ
Քաղաքականություն
19.03.2018 | 11:35
Այսօրվա ավագանու նիստում առաջինը ելույթ ունեցավ ավագանու «Ելք» խմբակցության անդամ Ալեն Սիմոնյանը, նա առաջարկեց մեկ րոպե լռությամբ հարգել «Մարտի 1»-ի զոհերի հիշատակը, սակայն ընդդիմադիր խմբակցություններից զատ, ավագանու ՀՀԿ խմբակցության անդամները ոտքի չկագնեցին, Տարոն Մարգարյանը ևս նստած մնաց:
Հաջորդը ելույթ ունեցավ ավագանու «Ելք» խմբակցության անդամ Անի Խաչատրյանը: Վերջինս իր ելույթում դատափետեց ավագանու մյուս ընդդիմադիր` «Երկիր Ծիրանի» կուսակցությանը: Նշենք, որ «Երկիր Ծիրանիի» անդամներն առաջարկում են անվանափոխել Վազգեն Սարգսյանի անվան փողոցը, մեկ այլ նախագծով էլ առաջարկում են «Մարտի 1»-ի զոհերի հիշատակին հուշարձան կանգնեցել՝ կրկին հիմնավորումներում շոշափելով Վազգեն Սարգսյանի անունը:
Այդ կապակցությամբ Անի Խաչատրյանը նշեց` դուք ձեր ակցիաներին անգամ պլակատ բռնողներ չունեք, Վազգենի անունը փորձում եք շահարկել: Մենք «Մարտի 1»-ի զոհերի հիշատակը հարգել ենք և օրակարագը նման ձևով սկսելը նպատակահարմար չէր, երբ Ալեն Սիմոնյանը հակադարձեց` փաստը մնում է փաստ, որ չհարգեցիք, քաղաքապետը պատասխանեց. «Ձեզի չհարցրեցինք, պարոն Սիմոնյան»: Անահիտ Բախշյանն էլ պատասխանեց` «ավելի լավ էր չմեկնաբանեիք, պարոն քաղաքապետ»:
