09.06.2026 | 12:43
Թրամփը հայտարարել է, որ Իրանի հետ գործարքը կարող է կնքվել «երկու կամ երեք օրից»
Իսպանիայում հրշեջները պայքարում են դիտավորյալ հրկիզումների արդյունքում մոլեգնող անտառային հրդեհների դեմ․ AP
Քաղաքականություն
07.09.2021 | 21:53
Իսպանիայի հյուսիսում հրշեջները շարունակում են պայքարել անտառային հրդեհների դեմ, որոնք, ենթադրաբար, առաջացել են հրկիզման հետևանքով։ Երկու օրում դրանք ընդգրկել են 1000 հա տարածք, գրում է Associated Press-ը (AP):
Երկու խոշոր հրդեհները, որոնք արդեն մոտեցել են բնակեցված շրջաններին, մոլեգնում են Գալիսիայում: Իշխանությունները փակել են որոշ մայրուղիներ: Հրդեհները մարելու համար օգտագործվում է չորս ուղղաթիռ և չորս օդանավ: Բացի այդ, 63 հրշեջներից բաղկացած լրացուցիչ խումբ է ուղարկվել՝ արդեն տեղում աշխատող գալիսիացի հրշեջներին միանալու համար:
Գալիսիայի գյուղատնտեսության նախարար Խոսե Գոնսալեսը հայտարարել է, որ հրդեհները սկսվել են սեպտեմբերի 5-ին՝ մայրամուտից հետո, երբ կրակը չէր կարող բռնկվել բնական ճանապարհով։ Նրա խոսքով՝ կրակը բռնկվել է գետի երկու ափերին՝ մի քանի վայրերում, «ակնհայտ դիտավորությամբ»։
Հիշեցնենք, որ օգոստոսին անոմալ շոգերի պատճառով մի քանի եվրոպական երկրներ տուժել են հարյուրավոր անտառային հրդեհներից։ Երկրների իշխանությունները հայտարարել են, որ հրդեհները դարձել են վերջին տասնամյակում շոգի ուժեղագույն ալիքի արդյունք։ Որոշ երկրներում նաև հաղորդվում է հրկիզման դեպքերի մասին։
Տաթև Ֆռանգյան
