18.01.2026 | 16:33
Մենք վստահ քայլերով շարժվում ենք նաև միջազգային մեծ մրցաշարեր հյուրընկալելու ուղղությամբ․ ՀՖՖ նախագահի ուղերձը
Հունվարի 1-ից կգործարկվի հիփոթեքային վարկի սպասարկման համար վճարվող տոկոսագումարների վերադարձի էլեկտրոնային հարթակը
Հասարակություն
07.09.2021 | 17:18
2022 թվականի հունվարի 1-ից նախատեսվում է գործարկել հիփոթեքային վարկի սպասարկման համար վճարվող տոկոսների գումարների վերադարձի էլեկտրոնային հարթակը։ Այս մասին Ֆեյսբուքի իր էջում գրել է ՀՀ ՊԵԿ նախագահ Ռուստամ Բադասյանը:
«Խիստ կարևորում եմ այս հարթակի ներդրումը, քանի որ վերջինիս ներդրման արդյունքում շահառուները եկամտային հարկի գումարների վերադարձման նպատակով անհրաժեշտ փաստաթղթերը հարկային մարմին կներկայացնեն միայն առաջին անգամ։
Էականորեն կկրճատվի եկամտային հարկի վերադարձի ժամկետները․ գործող 19 աշխատանքային օրվա փոխարեն եկամտային հարկի գումարները կվերադարձվեն դիմումները ներկայացվելուց հետո առավելագույնը 3 աշխատանքային օրվա ընթացքում։
Մինչ էլեկտրոնային հարթակի տեղադրումը աշխատում ենք վերադարձի պրոցեսը ավելի արագ կազմակերպելու ուղղությամբ»,- գրել է ՊԵԿ նախագահ Ռուստամ Բադասյանը:
