23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Թուրքիան չի շտապի Աֆղանստանում «Թալիբան»-ի կառավարության ճանաչման հարցում
Քաղաքականություն
07.09.2021 | 15:42
Թուրքիան չի շտապի Աֆղանստանում «Թալիբան»-ի կառավարության ճանաչման հարցում, այն պետք է ներառի տարբեր քաղաքական ուժեր։ Այս մասին հայտարարել է Թուրքիայի ԱԳՆ ղեկավար Մևլյութ Չավուշօղլուն։
«Կճանաչի՞, արդյոք, Թուրքիան «Թալիբան»-ի կառավարությունը։ Եկեք հապճեպ որոշումներ չկայացնենք։ Անհրաժեշտ է կառավարություն ստեղծել, որը կկարողանա հաղթահարել ճգնաժամը, թույլ չտալ քաղաքացիական պատերազմ։ Դրա համար անհրաժեշտ է ներառական կառավարություն բոլոր քաղաքական ուժերի և բնակչության շերտերի մասնակցությամբ՝ չմոռանալով կանանց մասին: Եվ որպեսզի ամբողջ աշխարհը ճանաչի «Թալիբան»-ին, անհրաժեշտ է ապահովել նման կառավարության ստեղծումը»,- ասել է Չավուշօղլուն NTV հեռուստաալիքի եթերում:
Նրա խոսքով՝ «աշխարհին ներկայացված Աֆղանստանի կառավարության անդամների թվում կան միայն թալիբների ներկայացուցիչներ»:
«Մենք չենք պատրաստվում նրանց համար կառավարություն ձևավորել, բայց մեր մտքերն ուղիղ փոխանցում ենք թալիբներին։ Կգործենք իրավիճակից ելնելով, դեռևս այս հարցի վերաբերյալ հստակ դիրքորոշում չունենք»,- հավելել է Չավուշօղլուն:
Տաթև Ֆռանգյան
