16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Թուրքիայում 7-ամյա քուրդ երեխային զրահապատ մեքենայով վրաերթի ենթարկած ոստիկանին ազատ են արձակել
Քաղաքականություն
07.09.2021 | 17:09
Թուրքիայում ազատ է արձակվել վրաերթի հետևանքով քուրդ տղայի մահվան մեջ կասկածվող ոստիկանը։ Այս մասին հայտնում է EADaily-ն՝ հղում կատարելով քրդական Rudaw գործակալությանը:
7-ամյա Միգրակ Միրօղլուն զրահապատ մեքենայով վրաերթի է ենթարկվել սեպտեմբերի 3-ին՝ Շըրնաք նահանգի Իդլիբ քաղաքում իրենց տան մոտակայքում հեծանիվ վարելիս։ Որոշ ժամանակ անց նա հիվանդանոցում մահացել է։
Ոստիկանության սպան, որը կասկածվում է այս հանցագործության կատարման մեջ, ցուցմունք է տվել ու ազատ արձակվել։
«Ես դիտավորյալ չեմ արել։ Ես չէի ցանկանում, որ ամեն ինչ այսպես ավարտվի»,- ասել է կասկածյալը։
Ոստիկանին ազատ արձակելու մասին տեղեկությունը հաստատել է Շըրնաքի իրավաբանների ասոցիացիայի ղեկավար Ռոժխաթ Դիլսիզը:
Ժողովուրդների դեմոկրատական կուսակցությունը, որի գործունեությունը Թուրքիայի իշխանությունները ցանկանում են արգելել՝ Քուրդիստանի աշխատավորական կուսակցության հետ ենթադրյալ կապի պատճառով, Միրօղլուի մահը որակել է ատելության հողի վրա իրագործած ոճրագործություն և սպանություն:
Տաթև Ֆռանգյան
