07.11.2024 | 17:28
ԱՊՀ երկրները ռազմական համագործակցության հայեցակարգ կմշակեն
Աֆղանստանի դիմադրության ուժերը հայտարարել են, որ շարունակում են դիմակայել թալիբներին
Քաղաքականություն
07.09.2021 | 13:19
Աֆղանստանի դիմադրության ուժերը հայտարարել են, որ շարունակում են դիմակայել թալիբներին։ Այս մասին Twitter-ում հայտնել է դիմադրության ուժերի ներկայացուցիչ Ալի Նազարին, գրում է «ՌԻԱ Նովոստին»։
«Հայրենակիցնե՛ր, Գինդուքուշի առյուծներն ու արծիվներն Անդարաբում և Փանջշիրում այսօր հերոսաբար մեր տունը մաքրում են կեղտից, որը ժամանել էր այս շաբաթ»,- ասված է հայտարարության մեջ։
Հիշեցնենք՝ օգոստոսին Աֆղանստանից ամերիկյան զորախմբի դուրսբերումից հետո «Թալիբանը» գրավել է երկրի խոշոր քաղաքներն ու սահմանային անցակետերը և հայտարարել 20-ամյա պատերազմի ավարտի մասին։ Թալիբների վերահսկողությունից դուրս գտնվող միակ նահանգը Փանջշիրն է, որը գտնվում է մայրաքաղաք Քաբուլից հյուսիս-արևելք: Այնտեղ դաշտային հրամանատար Ահմադ Մասուդի ղեկավարությամբ դիմադրության ուժեր են հավաքվում:
«Թալիբանն» ու աշխարհազորայինները հերթով հայտնում են իրենց հաջողությունների մասին: Առաջինները բազմիցս հայտարարել են, որ նվաճել են ապստամբ շրջանը, սակայն դիմադրության ուժերն անընդհատ հերքում են այս տեղեկությունները:
Տաթև Ֆռանգյան
