17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
1 տարեկան դստերը սպանած Անի Մինասյանը դատապարտվեց 10 տարվա ազատազրկման. ՏԵՍԱՆՅՈՒԹ
Հասարակություն
06.09.2021 | 18:23
Շիրակի մարզի ընդհանուր իրավասության դատարանն այսօր 10 տարվա ազատազրկման դատապարտեց իր 1-ամյա դստեր սպանության մեջ մեղադրվող Անի Մինասյանին։
Կինը մեղավոր ճանաչվեց ՀՀ Քրեական օրենսգրքի 104 հոդվածի 1-ին մասի հատկանիշներով՝ այն է սպանություն կատարելը։ Անի Մինասյանը, որն ամուսնալուծվել էր ու բնակարան վարձակալել Գյումրիի Շիրակացի փողոցում, երկու տարի առաջ՝ օգոսոտոսի 30-ին, երեկոյան ժամը 22․00-ի սահմաններում
զգեստապահարանից հանել էր տանտիրոջը պատկանող սև կանացի կիսաշրջազգեստը, հյուրասենյակից վերցրել կպչուն ժապավենը, կապել մեկ տարեկան դստեր ոտքերն ու ձեռքերը ու նրան նետել էր աղբարկղը։ Երեխան շնչահեղձ էր եղել։
Կինը նախաքննական մարմնին իր այս արարքը բացատրել էր սոցիալական խնդիրներով՝ ասել, որ չի կողմնորոշվել՝ ինչպես պահել երեխային, հոգալ նրա կարիքները։ Մինչդեռ նախկին ամուսինը՝ Արթուր Ալեքսանյանը թե՛ նախքաննական մարմնին, թե՛ դատարանում հայտարարել էր, որ իրենք սոցիալական որևէ խնդիր չեն ունեցել։
Նախագահող դատավոր Ջոն Հայրապետյանը Անի Մինասյանին հարցրեց՝ ի՞նչ ունի ասելու դատարանին, սակայն 22-ամյա կինը հրաժարվեց վերջին խոսքի իրավունքից։
Արմիկ Մովսիսյան
