07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Թալիբները ՌԴ-ին և Իրանին հրավիրել են մասնակցելու Աֆղանստանի նոր կառավարության կազմի հայտարարմանը նվիրված միջոցառմանը
Քաղաքականություն
06.09.2021 | 13:42
Աֆղանստանում իշխանությունը գրաված «Թալիբան» շարժումը մի շարք երկրների, այդ թվում՝ Ռուսաստանին և Իրանին հրավիրել է մասնակցելու Աֆղանստանի նոր կառավարության կազմի հայտարարմանը նվիրված միջոցառմանը: Այս մասին երկուշաբթի «Al Jazeera» հեռուստաալիքին հայտնել է շարժման ներկայացուցիչը, որի անունը չի նշվում:
«Մենք հրավեր ենք հղել Թուրքիային, Չինաստանին, Ռուսաստանին, Իրանին, Պակիստանին և Քաթարին՝ մասնակցելու [Աֆղանստանի նոր կառավարության] հայտարարության արարողությանը»,- ասել է նա:
Հեռուստաալիքի զրուցակիցը նաև նշել է, որ նոր կաբինետի կազմը հայտարարելու համար պահանջվող «ընթացակարգերն» արդեն ավարտված են: Նրա խոսքով՝ թալիբները կստեղծեն «ռեժիմ, որը կընդունվի միջազգային հանրության և աֆղան ժողովրդի կողմից»:
Օգոստոսին, Աֆղանստանից ամերիկյան զորախմբի դուրսբերման ֆոնին, թալիբները գրավել են բոլոր խոշոր քաղաքներն ու սահմանային անցակետերը և հայտարարել քսանամյա պատերազմի ավարտի մասին: Խմբավորման վերահսկողության տակ չմտնող միակ նահանգը Փանջշիրն է, որը գտնվում է երկրի մայրաքաղաքից հյուսիս-արևելք: Այնտեղ հրամանատար Ահմադ Մասուդի ղեկավարությամբ դիմադրության ուժեր են հավաքվել:
Տաթև Ֆռանգյան
