30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Հնդկաստանում Nipah վիրուսի բռնկում են արձանագրել
05.09.2021 | 18:33
Հնդկաստանում վտանգավոր Nipah վիրուսի բռնկում է հայտնաբերվել, հայտնում է Iz.ru-ն՝ վկայակոչելով տեղական իշխանությունների աղբյուրները։
Աղբյուրի տվյալներով ՝ հիվանդությունները գրանցվում են Հնդկաստանի Կերալա նահանգում։ Նշվում է, որ վարակի հետևանքով մահացել է 12-ամյա տղա, ևս երկու մարդու մոտ հիվանդության ախտանշաններ են նկատվում:
Երկրի իշխանություններն օպերատիվ կերպով նահանգ են ուղարկել Հիվանդությունների վերահսկման ազգային կենտրոնի մի խումբ մասնագետների։ Փորձագետների խոսքով՝ անհրաժեշտ է ուսումնասիրել, թե հիվանդներն ում հետ են շփվել, և բոլոր կոնտակտավորներին ուղարկել կարանտին:
Հունիսին հնդկական ԶԼՄ-ները, վկայակոչելով գիտնականներին, հայտնել էին, որ Nipah վիրուսն առաջին անգամ հայտնաբերել են Մահարաշտրա նահանգում չղջիկների մոտ: Գիտնականների տվյալներով ՝ վիրուսը սովորաբար հայտնաբերվում է չղջիկների մոտ։ Առողջապահության համաշխարհային կազմակերպությունը (ԱՀԿ) այն համարում է ամենավտանգավորներից մեկը։ Նշվում էր, որ վիրուսի դեմ դեղամիջոցներ կամ պատվաստանյութեր չկան, իսկ մահացությունը կարող է տարբեր լինել 65-ից մինչև 100%:
2021 թվականի հունվարին հաղորդվել էր, որ Առողջապահության համաշխարհային կազմակերպությունը (ԱՀԿ) չի բացառում համաճարակի հավանականությունը, որը կարող է առաջանալ Nipah կամ NiV վիրուսով: Առաջին անգամ այն հայտնաբերվել է 1999 թվականին Մալայզիայում ՝ Նիպահ գետի վրա ապրող խոզաբույծ ֆերմերների շրջանում: Դրանից հետո Հարավային Ասիայում հիվանդության ևս 12 բռնկում է տեղի ունեցել։
