09.06.2026 | 00:17
Մարկո Ռուբիոն շնորհավորել է Փաշինյանին
Covid-19-ի դեմ պատվաստումը շուտով բաղկացած կլինի 3 չափաբաժնից․ Ֆաուչի
Քաղաքականություն
03.09.2021 | 22:34
Սպիտակ տան առողջապահության հարցերով գլխավոր խորհրդական դոկտոր Էնթոնի Ֆաուչին ասել է, որ Միացյալ Նահանգներում Pfizer և Moderna պատվաստանյութերի Covid-19 պատվաստումների ընդհանուր առաջարկվող գրաֆիկը հավանաբար կներառի երեք դեղաչափ՝ երկուսի փոխարեն, գրում է Ամերիկայի ձայնը։
Ֆաուչին, ով նաև ղեկավարում է Ալերգիկ և վարակիչ հիվանդությունների ուսումնասիրման ազգային հաստատությունը, նշել է, որ լրացուցիչ կամ երրերդ չափաբաժին ստանալը առաջին երկուսից մի քանի ամիս անց օգնում է մարմնին զարգացնել ավելի ամբողջական իմունային արձագանք:
«Ելնելով իմունաբանության իմ փորձից, ես ընդհանրապես չեմ զարմանա, եթե պատվաստումների ամբողջական ժամանակացույցը բաղկացած լինի երեք դեղաչափից», – նշել է Ֆաուչին լրագրողների հետ Սպիտակ տան ճեպազրույցի ժամանակ:
ԱՄՆ նախագահ Ջո Բայդենի վարչակազմը պատրաստվում է սեպտեմբերի 20 -ից հետո սկսել լրացուցիչ դեղաչափերի լայն տարածումը:
Նախորդ ամիս առողջապահության ոլորտի ներկայացրած ծրագիրը նախատեսում է Pfizer կամ Moderna պատվաստանյութերի երկրորդ դեղաչափից ութ ամիս հետո երրորդ դեղաչափի պատվաստում:
Օրգանիզմի պաշտպանունակություն նվազում է երկրորդ դեղաչափի ընդունումից մի քանի ամիս անց, նշում են առողջապահության ոլորտի պատասխանատուները՝ վկայակոչելով Հիվանդությունների վերահսկման և կանխարգելման կենտրոնների երեք նոր ուսումնասիրությունները:
Հիմքեր կան ենթադրելու, որ երրորդ դեղաչափը կապահովի ավելի ամուր իմունային արձագանք, ասել է Ֆաուչին:
