23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
«Ռոսկոմնադզորը» հայտարարել է ՌԴ տարածքում 6 VPN ծառայությունների արգելափակման մասին
Քաղաքականություն
03.09.2021 | 15:40
«Ռոսկոմնադզորը» հայտարարել է Ռուսաստանի տարածքում 6 VPN ծառայությունների արգելափակման մասին, այդ թվում՝ աշխարհում լավագույնը համարվող ExpressVPN, Nord VPN և IPVanish VPN ծառայությունները։ Գերատեսչությունից բացատրել են, որ դրանք խախտել են ՌԴ օրենսդրությունը, գրում է DW-ի ռուսական ծառայությունը։
Ավելի վաղ «Ռոսկոմնադզորը» կազմել էր «սպիտակ ցուցակ», որպեսզի չխախտի այնպիսի ընկերությունների գործունեությունը, որոնք նման ծառայություններն օգտագործում են տեխնոլոգիական նպատակներով։ Գերատեսչությունը հաղորդագրություններ է ստացել 64 կազմակերպությունից, դրանցից 27-ն օգտվել է VPN ծառայություններից, որոնք հայտնվել են արգելափակման տակ։
«Ավելի քան 100 IP հասցեներ է ներկայացվել՝ դրանք սահմանափակումներից հանելու համար»,- նշել են կարգավորիչ ծառայությունից։
Հունիսին «Ռոսկոմնադզորը» սկսել է սահմանափակել երկու VPN ծառայությունների՝ VyprVPN-ի և Opera VPN-ի հասանելիությունը, որոնք օգտագործվում են արգելափակումը շրջանցելու և առցանց գաղտնիությունը պաշտպանելու համար: Այս ֆոնին նման ծառայությունները սկսեցին թանկանալ Ռուսաստանում:
2019 թվականի մարտին «Ռոսկոմնադզորը» 10 VPN ծառայություններից պահանջել էր միանալ պետական տեղեկատվական համակարգին՝ արգելված կայքերի մուտքը սահմանափակելու համար: Այնուամենայնիվ, համակարգին միացել էր միայն Kaspersky Lab-ի VPN ծառայությունը:
